Poytaxtimizning Yunusobod tumanidagi 70-sonli umumta’lim maktabi qoshida faoliyat olib borayotgan “Iqtidorli kitobxonlar” to‘garagi doimo o'quvchilar bilan gavjum. Ularning kitob mutolaasiga bo'lgan qiziqishlarini yanada oshirish maqsadida turli tanlovlar, davra suhbatlari o'tkazish an'anaga aylanganligi e'tiborlidir.

Jumladan, ushbu maskanda kutubxonachi Sabrina Xudoynazarova tashabbusi bilan yosh kitobxonlarning o'zlari o'qigan sevimli asarlari yuzasidan bahs-munozaralar olib borishlar, o‘z fikrlarini erkin bayon etishlari uchun barcha imkoniyatlar ishga solinmoqda.